HStAOrient5a: 30v

nām oġlı benüm dėyüb āḫir tezvīri ẓuhūr ėdüb ṭutılub Edirne // Ḥiṣārınuñ burcına aṣdılar. Ve Qarāmān‑oġlı ʿiṣyān ėdüb ʿafv // olındı. Semendire ve Mora fetḥ olındı. Ve qış aqunı oldı // ve niçe memālik fetḥ olındı. Baʿdehū Sulṭān Murād Ḫān iḫtiyārıyla salṭaneti // oġlı Sulṭān Meḥemmede vėrüb gendü Maġnisada teqāʿüd ėder fī sene 846. // Ḫalīl Paşa vezīr ve Monlā Ḫüsrev qāżī‑ʿaskeri idi. Baʿdehū Yeñiçeri baş // qaldırub yine Sulṭān Murādı taḥta [!] geçürüb Sulṭān Meḥemmedi Maġnisaya gönderdiler. // Ergene Köprüsin binā ėder fī sene 830. Müddet‑i salṭanet [21]. Mūsā Çelebi Rūm‑ėline pādişāh olduqda Edirnede Eski Cāmiʿ bināsına şurūʿ ėtmişdi. // Binā yėrine gelduqda [!] vefāt ėdüb baʿdehū Sulṭān Meḥemmed ile Murād zamānında // tamām olub cumʿa qılındı.

Ḥażret‑i [Sulṭān] Ebū l‑fetḥ Sulṭān Meḥemmed Ḫān ibn // Sulṭān Murād cülūs ber taḥt [!] fī sene 855 müddet‑i salṭanet [sene] 31 ʿömreş sene 51. // Bināʾ‑i Yeñiḥiṣār fī sene 856. Fetḥ‑i Qosṭanṭinīye fī sene 857. Elli gün ceng ėdüb // elli birinci gün çehār‑şenbe güni fetḥ olınub cumʿa [güni] Aya Ṣofyada namāz // qılındı. Fetḥ ėtdügi vilāyetüñ nihāyeti [ve] belki vilāyet ü kerāmetinüñ // nihāyeti yoqdur [ve] bu muḫtaṣarda münāsib degül ki cemīʿen ẕikr olına. İbtidāʾ‑i // cāmiʿ‑i sulṭān Meḥemmed fī sene 868 intihāʾ‑i cāmiʿ fī sene 875. Monlā Gūrānī ve Ḥıżır [!] // Beg ve Monlā Ḫüsrev ve Ḫaṭīb‑zāde ve ʿAlī Quşcı ve Monlā Fenārī // ve Ḥasan Çelebi ve Ḫᵛāce‑zāde meşāhir‑i ʿulemāsındandur ve kelām‑i Niʿma l‑amīr